Быраһаай уһуйаан
Ыам ыйын 30 күнүгэр уһуйааммыт выпускниктарын уруйдуур дьоро күн буолан ааста. Быйыл, уһуйааммыт 30 сааһын туолбут үбүлүөйдээх сылыгар, улууска маҥнайгы гендернай выпуск таҕыста. Барыта 41 оҕо быйыл бүтэрдэ. Күндү төрөппүттэрбитигэр, оҕолорбутугар кэрэ кэскили, үрдүк ситиһиилэри баҕарабыт.
Сахалыы иитии саргыланнын
Ыам ыйын 28 күнүгэр «Айылгы» КК саҥа тахсыбыт кинигэ босуобуйа биһирэмэ буолан ааста. Бу кинигэҕэ киирбит проектар тустарынан, улэ хайдах ааспытын, тэҥҥэ үлэлэспит дьон сандалы тула түмсэн истиҥ сэһэргэһии таҕыста. Этнопедагогпутун Ирина Дмитриевнаны өр сылларга үлэлээбит үлэтэ түмүллэн кинигэ буолан бэчээттэнэн тахсыбытынан итиитик-истиҥник эҕэрдэлиибит.
Оҕо саас - Туллукчаан
2018-2019 үөрэх дьылын түмүктүү биир сыл устата иитиллээччилэрбит туохха үөрэммиттэрин, тугу билбиттэрин, сатаабыттарын туоһулуур отчуоттур кэнсиэр ыам ыйын 28 күнүгэр киэһэ буолан ааста. Хаартыскаҕа түһэргэ сахалыы фотозоналар туруорулуннулар, аҕалар оҕону сайыннарарга оҥорбут оонньуулара быыстапкаҕа турдулар.
Ньукуолун чэчиэринньигэ
Ыам ыйын 21 күнүгэр Ньукуолун чэчиэринньигин көрсө минньигэс астаах буфетпыт үлэһиттэрэ оҕолору, төрөппүттэри алаадьынан күндүлээтилэр.
Туом туһэриитэ буолан ааста
Ыам ыйын 21 күнүгэр 7 саастарын туолбут оҕолорго аналлаах туом туһэриитэ буолан ааста
На зарядку становись!
Ыам ыйын 16 күнүттэн, «Чэгиэн» проект иһинэн ыытыллар, сарсыарда 8.30 чаастан төрөппүттэргэ, үлэһиттэргэ, иитиллээчилэргэ анаан зарядкаҕа ыҥырабыт. Көхтөөх кыттыыны ылыаххыт диэн эрэнэбит.
Лучше всех
Уһуйаан иһинэн үһүс сылын ыытыллар «Лучше всех» күрэх ыам ыйын 14 күнүгэр ыытылынна. Талааннаах иитээччилэрбит сатабылларын көрдөрдүлэр. Ырыа, үнкүү, йога, араас дьикти темалаах кэпсээннэр. Түмүккэ кыайыылаахтарга мэтээл туттарылынна. Бары кыттыыны ылбыт оҕолорбутугар, кинилэр төрөппүттэригэр махталбытын тиэрдэбит.
Кыайыы күнүн көрсө
«Кыайыы күнүн көрсө»Кыайыы күнүн көрсө уһуйааммыт иитиллээчилэрэ, бары улэһиттэрэ парадка кытынныбыт. Быйылгы үөрүүлээх дьаһалга бары оҕолор сибэкки дьөрбөтүн паметникка уурдулар, «Дьулурхан» бөлөх уолаттара строевой хаамыыны көрдөрдүлэр. Үгүс хоһоон, ырыа эҕэрдэлэр этилиннилэр.
Бүгүн биир киһилии сэриини утарабыт!
Бүгүн биир киһилии сэриини утарабыт!
Оҕо барахсан көҥүллүк көччүйдүн,
Сибэкки барахсан силигилии үүннүн,
Күөрэгэй чыычаах уһуннук ыллаатын!
Сэрии суох буоллун!
Айхал, Улуу Кыайыы күнүгэр!
Пневматическай винтовканан ытыыга күрэх
Саха сирин аҕаларын уонна булчут күнүн чэрчитинэн уһуйаан аҕаларыгар муус устар 26 күнүгэр Чурапчытааҕы физкультура уонна спорт институтун тирыгар пневматическай винтовканан ытыыга күрэх ыытылынна.
Аҕа дьиэ кэргэн сүрүннүүр күүһэ
Муус устар 19 күнүгэр “Аҕа дьиэ кэргэн сүрүннүүр күүһэ” III аҕалар, эр дьон Форума ыытылынна. Түөлбэлээн олорор үөрэх тэрилтэрэ С.К.Макаров аатынан Чурапчы гимназията, Оҕо сайдар киинэ “Туллукчаан” уһуйаан, Березка уһуйаан, Чурапчы техническэй колледжа уонна ТОС “Куоҕалы” тэрийдилэр. Форумҥа уопсайа 67 аҕа кыттыыны ылла. Тэрээһин сүрүн уратытынан сахалыы атах тэпсэн олорон, сэһэргэһии, санаа атастаһыы тула ыытылынна.
More...
Я - исследователь
Өссө биир үөрүүлээх сонун - «Күлүмчээнэн» бөлөх иитиллээчитэ Собакина Туйаара «Я - исследователь» улуустааҕы күрэххэ лауреат буолан Республиканскай этапка кыттыыны ылары ситиспитэ уонна түмүккэ бастакы степеннээх дипломунан наҕараадаланна. Туйаара дьаныһан туран микроптары үөрэтэр,чинчийэр.
Манна төһүү күүс кини төрөппүттэрэ буолаллар. Туйаараҕа инникитин да ситиһиилэри баҕарабыт.
Петр Федорович Старостин кэриэһигэр хапсаҕай күрэҕэ
Докуускай куоракка кулун тутар 30 күнүгэр Петр Федорович Старостин кэриэһигэр хапсаҕай күрэҕэ буолан ааста.
Сивцев Михаил Прокопьевич эрчийбит уолаттара үрдүк көрдөрүүлээх буоллулар. Иванов Витя уонна Монастырев Айастаан 2 миэстэҕэ тигистилэр, Собакин Дамир уонна Иванов Витя анал аат хаһаайыннара буоллулар.
Уолаттарбытыгар, Михаил Прокопьевичка, төрөппүттэрбитигэр эҕэрдэбитин тиэрдэбит!
Тэрилтэлэр икки ардыларынааҕы комплекснай спартакиадаҕа
Тэрилтэлэр икки ардыларынааҕы комплекснай спартакиадаҕа улуустааҕы гимназия, Хатан тэрилтэ уонна биһиги уһуйааммыт үлэһиттэрин холбоһуктаах хамаандата «Канат тардыһыытыгар» - 1 миэстэ, «Хаамыскаҕа» - 1 миэстэ, «Дуобакка» – 1 миэстэ, «Мас тардыһыытыгар» – 2 миэстэ, «Саахымакка» – 2 миэстэ ылары ситистэ уонна түмүккэ 1 миэстэни ылла, финалга киирэри ситистэ.
Күүстээх хамаандабытыгар инникитин кыайыыны баҕарабыт.
Бриллиантовые нотки
Дьокуускай куоракка кулун тутар 23 күнүгэр буолбут сэттис төгүлүн ыытыллар «Бриллиантовые нотки» Международнай конкурска Иванна Николаевна иитиллээччилэрэ ситиһиилээхтик кыттан кэллилэр.
Ол курдук, Сивцева Алисия, 5 саастаах - иккис степеннээх Лауреат үрдүк аатын ылла, Данилова Алгыстаана уонна Федоров Ариан дуеттара Лауреат 1 степени буолары ситистилэр.
Иванна Николаевнаны, оҕолорбутун, төрөппүттэрин итиитик-истинник эҕэрдэлиибит!
