Настройки отображения

Размер шрифта:
Цвета сайта
Изображения

Параметры

Обычная версия

Пневматическай винтовканан ытыыга күрэх

Саха сирин аҕаларын уонна булчут күнүн чэрчитинэн уһуйаан аҕаларыгар муус устар 26 күнүгэр Чурапчытааҕы физкультура уонна спорт институтун тирыгар пневматическай винтовканан ытыыга күрэх ыытылынна.

Барыта 6 хамаанда кытынна.116 очконан «Тииҥчээн» бөлөх аҕалара 3 миэстэ, 117 очколаах «Күлүмчээнэ» аҕалара 2 миэстэ уонна  «Дьулурхан» бөлөх аҕалара 121 очконы ылан кыайыылаах тахсан 1 миэстэни ылары ситистилэр. Биирдиилээн Сергей Федоров - 1 миэстэ, Владислав Макаров - 2 миэстэ, Савва Никитин - 3 миэстэ буоллулар.

Кыайыылаахтарга урбаанньыт - төрөппүттэр бириис туруордулар. Урбаанньыт төрөппүттэрбитигэр, кыттыыны ылбыт аҕаларга махтанабыт, дьиэ кэргэҥҥитигэр дьоллоох олоҕу баҕарабыт.