Туом туһэриитэ буолан ааста
Ыам ыйын 21 күнүгэр 7 саастарын туолбут оҕолорго аналлаах туом туһэриитэ буолан ааста
На зарядку становись!
Ыам ыйын 16 күнүттэн, «Чэгиэн» проект иһинэн ыытыллар, сарсыарда 8.30 чаастан төрөппүттэргэ, үлэһиттэргэ, иитиллээчилэргэ анаан зарядкаҕа ыҥырабыт. Көхтөөх кыттыыны ылыаххыт диэн эрэнэбит.
Лучше всех
Уһуйаан иһинэн үһүс сылын ыытыллар «Лучше всех» күрэх ыам ыйын 14 күнүгэр ыытылынна. Талааннаах иитээччилэрбит сатабылларын көрдөрдүлэр. Ырыа, үнкүү, йога, араас дьикти темалаах кэпсээннэр. Түмүккэ кыайыылаахтарга мэтээл туттарылынна. Бары кыттыыны ылбыт оҕолорбутугар, кинилэр төрөппүттэригэр махталбытын тиэрдэбит.
Кыайыы күнүн көрсө
«Кыайыы күнүн көрсө»Кыайыы күнүн көрсө уһуйааммыт иитиллээчилэрэ, бары улэһиттэрэ парадка кытынныбыт. Быйылгы үөрүүлээх дьаһалга бары оҕолор сибэкки дьөрбөтүн паметникка уурдулар, «Дьулурхан» бөлөх уолаттара строевой хаамыыны көрдөрдүлэр. Үгүс хоһоон, ырыа эҕэрдэлэр этилиннилэр.
Бүгүн биир киһилии сэриини утарабыт!
Бүгүн биир киһилии сэриини утарабыт!
Оҕо барахсан көҥүллүк көччүйдүн,
Сибэкки барахсан силигилии үүннүн,
Күөрэгэй чыычаах уһуннук ыллаатын!
Сэрии суох буоллун!
Айхал, Улуу Кыайыы күнүгэр!
Пневматическай винтовканан ытыыга күрэх
Саха сирин аҕаларын уонна булчут күнүн чэрчитинэн уһуйаан аҕаларыгар муус устар 26 күнүгэр Чурапчытааҕы физкультура уонна спорт институтун тирыгар пневматическай винтовканан ытыыга күрэх ыытылынна.
Аҕа дьиэ кэргэн сүрүннүүр күүһэ
Муус устар 19 күнүгэр “Аҕа дьиэ кэргэн сүрүннүүр күүһэ” III аҕалар, эр дьон Форума ыытылынна. Түөлбэлээн олорор үөрэх тэрилтэрэ С.К.Макаров аатынан Чурапчы гимназията, Оҕо сайдар киинэ “Туллукчаан” уһуйаан, Березка уһуйаан, Чурапчы техническэй колледжа уонна ТОС “Куоҕалы” тэрийдилэр. Форумҥа уопсайа 67 аҕа кыттыыны ылла. Тэрээһин сүрүн уратытынан сахалыы атах тэпсэн олорон, сэһэргэһии, санаа атастаһыы тула ыытылынна.
Я - исследователь
Өссө биир үөрүүлээх сонун - «Күлүмчээнэн» бөлөх иитиллээчитэ Собакина Туйаара «Я - исследователь» улуустааҕы күрэххэ лауреат буолан Республиканскай этапка кыттыыны ылары ситиспитэ уонна түмүккэ бастакы степеннээх дипломунан наҕараадаланна. Туйаара дьаныһан туран микроптары үөрэтэр,чинчийэр.
Манна төһүү күүс кини төрөппүттэрэ буолаллар. Туйаараҕа инникитин да ситиһиилэри баҕарабыт.
Петр Федорович Старостин кэриэһигэр хапсаҕай күрэҕэ
Докуускай куоракка кулун тутар 30 күнүгэр Петр Федорович Старостин кэриэһигэр хапсаҕай күрэҕэ буолан ааста.
Сивцев Михаил Прокопьевич эрчийбит уолаттара үрдүк көрдөрүүлээх буоллулар. Иванов Витя уонна Монастырев Айастаан 2 миэстэҕэ тигистилэр, Собакин Дамир уонна Иванов Витя анал аат хаһаайыннара буоллулар.
Уолаттарбытыгар, Михаил Прокопьевичка, төрөппүттэрбитигэр эҕэрдэбитин тиэрдэбит!
Тэрилтэлэр икки ардыларынааҕы комплекснай спартакиадаҕа
Тэрилтэлэр икки ардыларынааҕы комплекснай спартакиадаҕа улуустааҕы гимназия, Хатан тэрилтэ уонна биһиги уһуйааммыт үлэһиттэрин холбоһуктаах хамаандата «Канат тардыһыытыгар» - 1 миэстэ, «Хаамыскаҕа» - 1 миэстэ, «Дуобакка» – 1 миэстэ, «Мас тардыһыытыгар» – 2 миэстэ, «Саахымакка» – 2 миэстэ ылары ситистэ уонна түмүккэ 1 миэстэни ылла, финалга киирэри ситистэ.
Күүстээх хамаандабытыгар инникитин кыайыыны баҕарабыт.
Бриллиантовые нотки
Дьокуускай куоракка кулун тутар 23 күнүгэр буолбут сэттис төгүлүн ыытыллар «Бриллиантовые нотки» Международнай конкурска Иванна Николаевна иитиллээччилэрэ ситиһиилээхтик кыттан кэллилэр.
Ол курдук, Сивцева Алисия, 5 саастаах - иккис степеннээх Лауреат үрдүк аатын ылла, Данилова Алгыстаана уонна Федоров Ариан дуеттара Лауреат 1 степени буолары ситистилэр.
Иванна Николаевнаны, оҕолорбутун, төрөппүттэрин итиитик-истинник эҕэрдэлиибит!
More...
Дуобат күрэҕэ
Кулун тутар 22 күнүгэр уһуйааммыт иһинэн үлэһиттэргэ дуобат күрэҕэ ыытылынна. Уопсай түмүккэ 1 миэстэни – Федоров Сергей Юрьевич,
2 миэстэни – Федорова Нарыйа Александровна,
3 миэстэни Аржаков Константин Константинович ыллылар. Бары кыттыбыт күрэхтэһээчилэрбитигэр, тэрийээчилэрбитигэр махтанабыт.
Чурапчы нэһилиэгин баһылыгар кандидат көрүстэ
Бүгүн кулун тутар 13 күнүгэр Чурапчы нэһилиэгин баһылыгар кандидат Сивцев Владимир Дмитриевич кэлэн тэрилтэ үлэһиттэрин кытта көрүстэ, ирэ-хоро кэпсэттэ. Инники сыалларын, программатын кытта билистибит. Долгутар боппуруостарга тохтоон ылла, этиилэри, санаалары иһиттэ.
Сааскы маннайгы бырааһынньыгынан!
Сааскы маннайгы бырааһынньыгынан!
Маннайгы сааскы бырааһынньыгынан Кэрэ куолары, Далбар Хотуттары барыгытын итиитик – истинник эҕэрдэлиибит!
Кулун тутар 8 күнэ
Кэрэ аҥаар дьоро күнэ
Сааскы күннүүн аргыстаһан,
Тиийэн кэллэ чаҕылыйан!
Бу күнү көрсө кырачаан уолаттарбыт кыргыттарын, ийэлэрин эҕэрдэлээтилэр
Улуустааҕы «Мохсоҕол» байыаннай хаамыы уонна ырыа күрэҕэ
2019 сыллааҕы тохсус төгүлүн ыытыллар улуустааҕы «Мохсоҕол» байыаннай хаамыы уонна ырыа күрэҕэр «Дьулурхан» уолаттар группаларын хамаандата быйыл ситиһиилээхтик кытынна. Ол курдук «Бастын форма» номинацияҕа 2-с миэстэ, байыаннай хаамыы уонна ырыа күрэҕэр 3 миэстэни ылан үөртүлэр. Уолаттарбытыгар инникитин да кыайыылары!
